এটুকুৰা আলসুৱা মেঘ ভাহি যায়....'
এটুকুৰা আলসুৱা মেঘ ভাহি যায়
মোৰ বন-হংসই বাট হেৰুৱাই
মই আছোঁ শাৰদীয় খিড়িকীমুখত
বুকুৱে বিচৰাজনলৈ বাট চাই
বিজুলী চাকিৰ সৌ তাঁৰবোৰতে
নিয়ৰে ওলমি কিবা কথা পাতে
বিশেষ বিন্ধু অঁকা এখনি মুখে
এমুঠি অনুৰাগ দিছে ছতিয়ায়
মই এক যক্ষ মহানগৰীৰ
মিছলীয়া মৰমত কাৰাৰুদ্ধ
সোঁৱৰণি শ্রাৱণতে আৱদ্ধ
নিয়ন চাকিয়ে আজি চকু টিপিয়ায়
শৰৎ সন্ধ্যা মহানগৰী সজায়
মাদকতা সানি আজি লিখিছোঁ চিঠি
চঞ্চল মেঘে যেন তাকে কঢ়িয়ায়
No comments:
Post a Comment